我知道有啲手足覺得自己爛命一條nothing to lose
於是喺最絕望之時，不惜犧牲生命嚟試圖帶來一點改變
或者本來已經好痛苦好想死
想喺結束呢種痛苦嘅同時搾乾自己最後嘅價值
坦白講，我都有過咁嘅念頭
但係我哋呢邊少一個人就少一分力量
我哋每一個人都好有價值好重要
我唔會話香港唔值得我哋死
但我會話香港更值得我哋活下去守護
有良知嘅人活喺呢個荒謬嘅時代係好痛苦
但唔好忘記身邊仲有好多同路人陪你一齊走
如果走得太攰，就休息一下啦
如果身邊有手足灰心咗，記得讚下佢嘅付出，畀佢知道我哋唔可以冇咗佢
唔想再失去任何一個戰友了
一齊活到贏嗰一日啦，好嗎？